தாய்லாந்து ஆட்சியை நீதிமன்றம் கலைத்தது!

தாய்லாந்து ஆளும் கட்சியில் அங்கமாக உள்ள மூன்று முக்கிய கட்சிகளை நிதிமன்றம் கலைத்து விட்டது. மேலும் பிரதமர் உட்பட முக்கிய தலைவர்கள் ஐந்து ஆண்டுகள் அரசியலில் ஈடுபட தடையும் பிறப்பித்தது.

இதனைத் தொடர்ந்து எதிர்கட்சிகளின் போராட்டத்தால் இக்கட்டில் தவிக்கும் ஸோமசாய் வோங்ஸ்வாத் தலைமையிலான அரசு கவிழும்.

2007 நவம்பரில் நடந்தத் தேர்தலில் ஊழல் மற்றும் சட்டமீறல் நடைபெற்றதற்காக நீதிமன்றம் இந்நடவடிக்கை எடுத்துள்ளது.

இதனைத் தொடர்ந்து ஒரு வார காலத்திற்கும் மேலாக எதிர்கட்சிகள் நடத்தி வந்த விமானநிலைய மறியலை இன்று விலக்கிக் கொள்ளும் என அறிவித்தன.

இந்தியா கோரிய குற்றவாளிகளைக் கையளிக்க இயலாது - பாகிஸ்தான்!.

மும்பை தீவிரவாத தாக்குதலில் தொடர்புடையவர்கள் என்று கூறி இந்தியா பாகிஸ்தானிடம் வழங்கிய பட்டியலில் உள்ளவர்களை இந்தியாவிற்குக் கைமாற இயலாது என பாகிஸ்தான் அதிபர் ஆஸிஃப் அலி சர்தாரி அறிவித்துள்ளார்.

இந்தியா வழங்கிய ஆதாரங்கள் அதற்குப் போதுமானதாக இல்லை எனவும் அவ்வறிக்கையில் அவர் குறிப்பிட்டுள்ளார்.

சொத்து, குழந்தை வேண்டுமா?

வாரணாசி: அபிஷேக் ஐஸ்வர்யா ஜோடியின் திருமண வாழ்க்கை சந்தோசமாக அமைவதற்காக உ.பி.,யில் ஒருவர் சூடான பாலில் குளியல் போட்டு கடவுளிடம் வேண்டினார்.

பாலிவுட் சூப்பர் ஸ்டார் அமிதாப் மகன் அபிஷேக் பச்சனுக்கும், முன்னாள் உலக அழகி ஐஸ்வர்யா ராயுக்கும் திருமண நிச்சயதார்த்தம் நடந்துள்ளது. தங்கள் திருமண வாழ்க்கை நல்லபடியாக அமைவதற்காக அவர்கள் இருவரும் பல்வேறு கோவில்களில் பூஜை நடத்தி வருகின்றனர். இந்த சூழ்நிலையில், உத்தர பிரதேசம் வாரணாசியில் வித்தியாசமான வேண்டுதல் நிறைவேற்றப்பட்டுள்ளது. வாரணாசி சிவ்பூர் பகுதியை சேர்ந்தவர் பானி பகத் (50). இவரது முன்னோர்கள் சப்தசாகர் என்ற இடத்தில் உள்ள துர்கா கோவிலில் சாமியாடி வந்தனர். தற்போது பானி பகத்தும் சாமியாடி வருகிறார். சாமியாடுபவர் உடலில் துர்கா தேவி தங்கி இருப்பதாக நம்பப்படுகிறது. எனவே, ஆண்டுதோறும் நடக்கும் பூஜையின்போது சாமியாடுபவர் மீது கொதிக்கும் பாலை அபிஷேகம் செய்தால் துர்கா தேவிக்கே அபிஷேகம் செய்வதாகவும் அதன் மூலமாக நினைத்த காரியம் நிறைவேறும் என்பதும் நம்பிக்கை. அதன்படி துர்கா கோவிலில் தற்போது சாமியாடி வரும் பகத் மீது சூடான பாலை ஊற்றி மக்கள் பிரார்த்தøனை செய்து வருகின்றனர்.

இந்நிலையில், இந்த ஆண்டுக்கான கோவில் விழாவில் அபிஷேக் ஐஸ் தம்பதி வளமுடன் வாழ்வதற்காக நேற்று சிறப்பு பிரார்த்தனை நடந்தது. அப்போது, துர்கா தேவியின் அருளை பெற்று சாமியாடிக் கொண்டிருந்த பகத் மீது சூடான பாலை ஊற்றி அபிஷேகம் செய்தனர். சிறப்பு பூஜையுடன் மேள தாளங்கள் முழங்க நெய் மற்றும் பாலாடை போன்றவையும் பகத் மீது ஊற்றி துர்கா தேவிக்கு அபிஷேகம் செய்யப்பட்டது. இது குறித்து பகத் கூறுகையில், ""துர்கா தேவியின் அருளை பெறுவதற்காக எனது முன்னோர்கள் காலம் முதலே கடந்த அறுநுõறு ஆண்டுகளாக இந்த பூஜை நடத்தப்படுகிறது. இதற்கு "குவால்பால் பூஜை' என்று பெயர். இந்த பூஜை மூலமாக சொத்து, குழந்தைகள் மற்றும் வாழ்க்கைக்கு தேவையான வசதிகள் மட்டுமன்றி கடவுளால் ஆசிர்வதிக்கப்பட்ட வாழ்க்கையும் கிடைக்கும்,'' என்றார்.

சிறப்பு பூஜைக்கான விழா அமைப்பாளர் ஒருவர் கூறுகையில், "பானி பகத் மற்றும் சிலர் ஒட்டு மொத்த தேசத்தின் சுபிட்சத்துக்காக சூடான பால் அபிஷேகம் நடத்தி வருகின்றனர். அபிஷேக் ஐஸ்வர்யா திருமணத்துக்காக இந்த ஆண்டு கூடுதலாக ஒரு பூஜை நடத்தி தருமாறு நாங்கள் கேட்டு கொண்டோம்,'' என்றார்.

நன்றி: தினமலர்(http://dinamalar.com/ 02/04/2007)

டெய்ல்பீஸ்: யாராவது அந்த அவதாரப்புருஷரை இங்கேயும் சற்று அனுப்பி வையுங்கள். யார் அது? பில் கேட்ஸா பூட்ஸா? அந்த ஆளுக்கு இருப்பதைப் போன்று நமக்கும் சொத்து வேண்டும் என ஆவலாய் உள்ளது. அப்படியே குழந்தை இல்லாமல் நம்ம பக்கம் நிறைய பேர் உள்ளனர். போனாப் போவுது கொஞ்சம் பால் தானே? நமக்கு சொத்தும், குழந்தைகளும் கிடைத்தால் சரி தான். ஆமாம் கேட்க மறந்து விட்டேன். அந்த ஆளுக்கு மேல "சூடான பால" ஊற்றியதா நம்ம தினமலர் புருசர்கள் தலைப்பு செய்தி போட்டிருக்காவளே? சூடான பால்னா எப்படி? ஒரு 100 டிகிரி சூடு இருக்குமா?

இராணுவ அதிகாரியை முட்டாளாக்கும் இராணுவ அமைச்சர்!

ஜெரூசலம்: இஸ்ரேல் இராணுவ அமைச்சர் அமீர் பெரட்ஸ் இராணுவ சாகசங்களை அடைப்பு திறக்கப்படாத தொலை நோக்கு கருவி மூலம் அரை மணி நேரத்திற்கும் அதிகமாக கண்டுகளித்தார். கோலான் குன்றுகளில் வைத்து நடத்திய இஸ்ரேலிய இராணுவத்தினரின் சாகச நிகழ்ச்சிகளை புதிய இராணுவ தலைமை அதிகாரி ஜனரல் காபி அஷ்கனாசியுடன் இணைந்து இஸ்ரேல் இராணுவத்தின் திறமையை உன்னிப்பாக மதிப்பீடு செய்யும் இராணுவ அமைச்சர் அமீர் பெரட்ஸின் படங்களை இஸ்ரேலிய பத்திரிக்கைகள் வெளியிட்டன.

இராணுவ தலைமை அதிகாரி ஜெனரல் காபியின் விளக்கங்கள் அனைத்திற்கும் லென்ஸ் திறக்காத தொலைநோக்குக் கருவியின் மூலமாக பார்த்துக் கொண்டே தலையாட்டிக் கொண்டிருக்கும் இராணுவ அமைச்சர் பெரட்ஸின் புகைப்படங்களை அனேகமாக இஸ்ரேலின் அனைத்து பத்திரிக்கைகளும் வெளியிட்டிருந்தன.

இப்புகைபடங்களை வெளியிட்ட பத்திரிக்கைகளின் புகைப்பட நிபுணர்கள், அமைச்சர் இவ்வாறு மூன்று முறை லென்ஸை திறக்காமலேயே தொலைநோக்கியின் மூலமாக பார்த்துக் கொண்டே இராணுவ அதிகாரியின் விளக்கங்களை கேட்டு தலையாட்டிக் கொண்டிருந்ததாக தெரிவித்தனர்.

தொலை நோக்கியின் லென்ஸை திறக்காமலேயே அனைத்தையும் தான் கவனமாக பார்வையிடுவதாக வெளிக்காட்டும் விதத்தில் வெறுமனே தொலைநோக்கியை கண்ணில் வைத்து இராணுவத்தினரையும், மக்களையும் இஸ்ரேலிய இராணுவ அமைச்சர் இவ்வாறு ஏமாற்றுவதற்கும் முன்னரே அமெரிக்க அதிபர் ஜார்ஜ் புஷும், இஸ்ரேலிய முன்னாள் பிரதமர் ஏரியல் ஷாரோனும் இதேபோன்று இராணுவத்தினரையும் மக்களையும் ஏமாற்றியுள்ளனர்.

அந்த வகையில் இஸ்ரேலின் இராணுவ அமைச்சர் அவர்களுக்குப் பின் இவ்விஷத்தில் தற்போது மூன்றாவது இடத்தைப் பிடித்துள்ளார்.

டெய்ல்பீஸ்: உலகின் அமைதிக்கு எல்லா வகையிலும் சவாலாக விளங்கும் இஸ்ரேல் மற்றும் அமெரிக்க நாடுகளின் அதிகாரத்தில் இருக்கும் நபர்கள் எடுக்கும் ஒவ்வொரு முடிவுகளும் குருட்டுத் தனமானவை தான் என்பதை அவர்கள் இவ்வாறு மறைமுகமாக மக்களுக்கு தெரிவிக்கின்றனரோ என்னமோ?

காதலர்களுக்கு எதிராக விசுவ இந்து பரிசத்!

அகமதாபாத்: குஜராத் தலைநகர் அகமதாபாத்தில் பூங்கா ஒன்றில் பேசிக் கொண்டிருந்த இளம் காதல் ஜோடிகளை விசுவ இந்து பரிஷத் அமைப்பைச் சேர்ந்த பெண் தொண்டர்கள் பிரம்பால் அடித்து விரட்டியடித்தனர்.

உத்தரபிரதேச மாநிலம் மீரட்டில் சில மாதங்களுக்கு முன் இளம் ஜோடிகளை போலீசார் மிரட்டிய செயல் நாடு முழுவதும் பெரும் பரபரப்பை ஏற்படுத்தியது. இது தொடர்பாக சம்பந்தப்பட்ட பெண் எஸ்.ஐ உட்பட இரண்டு காவலர்கள் பணி இடைநீக்கம் செய்யப்பட்டனர். இந்த பரபரப்பு அடங்குவதற்கு முன் அகமதாபாத் பூங்காவில் இது போன்ற சம்பவம் நேற்று நடைபெற்றது. இம்முறை போலீசுக்கு பதிலாக விசுவ இந்து பரிசத் அமைப்பினர் சட்டத்தை கையில் எடுத்துக் கொண்டு இந்த அத்துமீறல் வேளையில் இறங்கினர்.

நேற்று மாலை கையில் பிரம்பு மற்றும் ஹர்க்கி மட்டைகளுடன் 50க்கும் மேற்பட்ட விசுவ இந்து பரிஷத் தொண்டர்கள் (பெண்கள் உட்பட) பூங்காவுக்குள் நுழைந்தனர். கண்ணில் கண்ட காதல் ஜோடிகளை பிரம்பால் அடித்து விரட்டினர். இது குறித்து பெண் தொண்டர் ஒருவர் கூறுகையில், பெண்களை போகப்பொருளாக பயன்படுத்திக் கொள்ள நினைக்கும் ஆண்களை இந்த சமூகத்திலிருந்து விரட்டியடிக்க விரும்புகிறோம் என்றார்.

பிரம்படி வாங்கிய பெண் ஒருவர் கூறுகையில், எனது காதலருக்கு அடி விழுந்தது. தடுக்க போன எனக்கும் 4 பிரம்படி விழுந்தது. எனக்கு நடந்தது போல் வேறு யாருக்கும் நடக்கக்கூடாது என்றார்.

விசுவ இந்து பரிஷத்தின் இந்த அதிரடி நடவடிக்கைக்கு பின்னால் பாபு பஜ்ரங்ஜி என்ற விஎச்பி தலைவர் இருப்பதாக கூறப்படுகிறது. குஜராத்தில் கடந்த 2002ம் ஆண்டு நடைபெற்ற மதகலவரம் தொடர்பாக பல வழக்குகள் இவர் மீது உள்ளன.

டெய்ல்பீஸ்: பாபர் மசூதி இடிப்பு சம்பவம் நடந்த பொழுது அதனை நேரில் பார்த்து ரசித்துக் கொண்டிருந்த இரு பிரம்மச்சாரிய இளம்(!) காதலர்கள் கட்டியணைத்து முத்தங்களை சீ.. வாழ்த்துக்களை பரிமாறிக் கொண்டனரே. அது ஏன்? நம்ம ஜோஷி அய்யாவின் ப்ளேபாய் விளையாட்டுக்கள் சிடியாக பாஜகவின் வெள்ளிவிழா மாநாட்டிலேயே வலம்வந்ததே? இந்த காமகளியாட்ட நாயகர்களை சமூகத்திலிருந்து அடித்து விரட்ட எப்பொழுது வி.இ.ப கையில் ஹாக்கி மட்டை எடுக்கப்போகிறார்களாம்?

நீதிமன்ற அவமதிப்பு: பால்தாக்கரேக்கு சம்மன்.

மும்பை: நீதிமன்ற அவமதிப்பு வழக்கில் அடுத்த வருடம் பெப்ருவரி 8 அன்று நீதிமன்றத்தில் ஆஜராக வேண்டும் என சிவசேனா தலைவர் பால்தாக்கரேக்கு தனிநீதிமன்றம் உத்தரவிட்டது. வழக்கறிஞர் முன்னா த்ருபாடி சமர்ப்பித்த பொதுமனுவை ஏற்றுக்கொண்டு ரெயில்வே நடமாடும் நீதிமன்ற மெட்ரோபாலிட்டன் நீதிபதி எம் பி டேட் சம்மன் அனுப்பினார். நீதிமன்றம் சம்மன் அனுப்பினாலும் தான் விரும்பும் சமயமே நீதிமன்றத்தில் ஆஜராவேன் என தாக்கரே கூறினார். வருடங்களுக்கு முன் சிவாஜி பூங்காவில் நடந்த ஒரு பொது பேரணியில் தாக்கரே பேசிய பேச்சுக்கள் நீதிமன்ற அவமதிக்கும் விதத்தில் இருந்தன. இதே வழக்கில் தாக்கரேக்கு இரு முறை நீதிமன்றம் சம்மன் அனுப்பிய போதிலும் சில உடல்பலவீனங்களை காரணம் காட்டி அவர் இதுவரை நீதிமன்றத்தில் ஆஜராவாமல் தட்டிக்கழித்துள்ளார்.

டெய்ல்பீஸ்: ஒரு சாமான்யனுக்கு இதே போன்று நீதிமன்றம் சம்மன் அனுப்பி, "நான் விரும்பும் நேரத்தில் தான் ஆஜராவேன்" என அவன் இவ்வாறு பகிரங்கமாக அறிக்கை விட்டால் அவன் நிலை என்னவாகும் என ஒரு நிமிடம் யோசித்துப் பார்க்கிறேன். ம்ஹ்ம். பேசாமல் சிவசேனாவில் சேர்ந்து தலைவராகி விட்டால் என்ன?

கஞ்சா கடத்த முயன்ற சன்னியாசி கைது!

கோயம்புத்தூர்: டெல்லிக்கு கஞ்சா கடத்த முயன்ற சன்னியாசியை கோயம்புத்தூர் காவல்துறை கைது செய்தது. மதுரை-இராமேஸ்வரம் வழி புகைவண்டி மூலம் கோயம்பத்தூர் வந்து சேர்ந்த உத்தரபிரதேசத்தைச் சேர்ந்த நாராயணன் சவுத்ரி டெல்லி விமானத்தில் பயணிக்க இருக்கும் பொழுது விமானநிலையத்தில் வைத்து பிடிபட்டார். ரகசிய தகவல் கிடைத்ததைத் தொடர்ந்து கோயம்புத்தூர் விமான நிலைய ஸ்பெஷல் போலீஸ் பிரிவு கஞ்சாகெட்டுகளுடன் சன்னியாசியை கையும் களவுமாக பிடித்தது. குமளி-தேனி பகுதிகளிலிருந்து இக்கஞ்சா கட்டுகள் சேகரிக்கப்பட்டிருப்பதாக காவல்துறை தெரிவித்தது. தமிழகத்தில் கஞ்சா வியாபாரத்தில் ஈடுபடும் சில பெருந்தலைகள் இவ்வழக்கில் பிடிபடுவர் என எதிர்பார்க்கப்படுகிறது. போலீசார் வழக்குப்பதிவு செய்து தீவிர புலன்விசாரணை நடத்தி வருகின்றனர்.

டெய்ல்பீஸ்: என்னப்பா நீங்க இத்த எல்லாம் பெரிய்ய வெசயமாக்கிட்டு? அவாளு தான் அந்த கஞ்சா பெர்சனல் யூஸுக்குன்னு சொல்லிப்புட்டாவளே. அப்புறம் எதுக்கு வெசாரண எல்லாம்? அவகளுக்கு இதெல்லாம் என்ன பெரிய்ய வெசயமா? பொண்ணு பிசினஸ்ஸுல இருந்து ஆளயே போட்டுத்தள்ளுவது வரை அவகளுக்கு இதெல்லாம் சர்வசாதாரணம் தானுங்களே?

இந்துக்கள் தடை செய்ததால் தலித்துகள் தனி கோவில்!

புவனேஸ்வர்: மேல் சாதி இந்துக்கள் தடை விதித்ததால், சொந்தமாக கோவிலை கட்டினர் தலித்துகள். அதில் பிராமண பூசாரியை அர்ச்சகராக நியமித்துள்ளனர். அக்கோயிலில் நுழைய இந்துக்கள் எல்லாரையும் அனுமதித்தும் வருகின்றனர்.

மற்ற மாநிலங்களை விட ஒரிசா மாநிலத்தில் தலித்துகளை மேல் சாதி இந்துக்கள், கோவில்களில் நுழைய விடாமல் தடுப்பது அதிகமாக உள்ளது. பல ஆண்டு வழக்கமாகவே, ஒரிசா மாநிலத்தில் மட்டும் எந்த மேல் சாதி இந்துக்கள் கோவில்களிலும், தலித் மக்கள் அனுமதிக்கப்பட்டதே இல்லை.

புவனேஸ்வரில் இருந்து 90 கிலோ மீட்டர் தூரத்தில் உள்ள கேந்த்ரபாடா பகுதியில் உள்ள பிரபல கோவில் ஜகந்நாதர் கோவில். அங்கு தலித்துகள் "நாங்கள் நுழைந்தே தீருவோம்" என்று சபதம் எடுத்துள்ளனர். ஆனால், அவர்களை அனுமதிக்க இந்துக்கள் மறுத்துவிட்டனர்.

இதை எதிர்த்து தலித்துகள் சார்பில் கோர்ட்டில் மனு செய்யப்பட்டது. அதற்கு "நாங்கள் 18ம் நூற்றாண் டில் இருந்து இந்த நடைமுறையை கடைபிடித்து வருகிறோம். அதை தகர்க்கக் கூடாது" என்று இந்துக்கள் பதில் அளித்தனர். இந்நிலையில், கோவிலில் நுழைந்தே தீருவோம் என்று தயாராகிவிட்டனர் தலித் மக்கள். விரைவில் கோவிலில் நுழையத்தான் போகிறோம் என்று அவர்கள் அறிவித்ததால், கோவிலில் பலத்த பாதுகாப்பு போடப்பட்டுள்ளது.

இந்நிலையில், ஏற்கனவே இது தொடர்பாக தொடர்ந்து பிரச்னைகள் இருந்து வந்ததால், மேல் சாதி இந்துக்களுக்கு பதிலடி தர, கேந்த்ரபாடா பகுதிக்கு வெளியே, சவுரிபெர்காம்பூர் என்ற பகுதியில் தலித்துகள் ஒன்று சேர்ந்த ஒரு கோவிலை கட்டினர். அந்த ஜகந்நாதர் கோவிலில், அர்ச்சகராக பிராமண சமூகத்தைச் சேர்ந்த ஒருவரை அமர்த்தினர். இப்போது அந்த கோவிலில் மேல் ஜாதி இந்துக்களையும் வழிபட அனுமதித்து வருகின்றனர் தலித்துகள். அந்த கோவிலில் தலித்துகள் அதிகம் வருவதில்லை என்பதும் அவர்கள் ஆதங்கம்.

டெய்ல்பீஸ்: இதற்குப் போய் இவ்வளவு ஆர்ப்பாட்டமா? இந்துக்கள் கோயிலில் தங்களை அனுமதிக்கவில்லை எனில் தங்களுக்காக தனிக்கோயில் கட்டினால் முடிந்தது பிரச்சனை. இவ்வளவு இலகுவாக தீரவேண்டிய பிரச்சனையை திராவிட ராஸ்கல்களும், செத்துப்போன கம்யூனிஸவாதிகளும் ஊதிப்பெரிதாக்கி விட்டனர். இப்பொழுதாவது இந்த தாழ்த்தப்பட்ட பயல்களுக்கு புத்தி வந்ததே. இனி இந்து ஐக்கியம் ஓங்கும்?!